Coro de Tzaramonte

A GESUS’ IN ALLEGRIA

A Gesus’in allegria:
tottu su mund’hat salvadu.
Cristos s’est ingeneradu
dae s’intragna de Maria.

O Maria gloriosa,
virgin’innantis de partu;
e a pustis de su partu,
restesi virgine e pura.

Custa divina giarura
bos siat in cumpagnia.
Bona notte e bon’annu
e bona Pasca cumprida:
Deus bos diat vida
mezus a ‘un atter’annu.

Cust’est una coiletta
sa chi nois bos cantamus,
su chi nos dades leamus:
cariga, saltizza o petta!